Mətn 17. Bədbin gənc
Bir dəfə gəmi qəzası zamanı dalğalar gənci bir adanın sahilinə atır. O, bu qəzada sağ qalan yeganə insan idi. Gənc dayanmadan Tanrıya dua edirdi ki, ona kömək olsun, onu xilas etsin. Olduğu vəziyyətdən təngə gələn gənc dalğaların sahilə atdığı lövhələrdən özünə qayıq düzəldir, sonra isə qida toplamaq üçün meşəliyə üz tutur. O, geri qayıdarkən düzəltdiyi qayığın alışıb yandığını və tüstünün bütün səmanı bürüdüyünü görür. Ən pisi isə düzəltdiyi qayıqla bərabər onun bütün əşyaları da yanmışdı. Gənc artıq heçnəsiz kimsəsiz adada qalmışdı. Qəhərdən və hirsdən özünü itirən gənc ağlayaraq üsyan etməyə başlayır:-Tanrı niyə mən? Niyə mənimlə belə etdin?
Üzüntüdən və ağlamaqdan əldən düşən gənc yorulub yuxuya gedir. Növbəti səhər onu gəminin səs siqnalı oyadır. Gəmi gənci xilas etmək üçün sahilə tərəf üzürdü.Təəccüb içində olan gənc nə edəcəyni bilmirdi.
-Siz məni necə tapdınız, haradan bildiniz ki, mən burdayam?- gənc maraqla dənizçilərdən soruşur.
-Biz uzaqdan adadan çıxan tüstünü gördük və düşündük ki, bu siqnaldı. Ona görə dərhal köməyə gəldik,- deyə dənizçilər cavab verirlər.
Lüğət:
- bədbin - пессимистичный
- yeganə - единственный
- gənc - юноша
- qəza - авария
- sağ qalmaq - выживать
- dua etmək - молиться
- xilas etmək - спасать
- təngə gəlmək - уставать
- tüstü - дым
- bürümək - покрывать
- qəhər - злость
- üsyan etmək - возмущаться
- üzüntü - грусть
- əldən düşmək - устать
- dənizçi - моряк
← 16. Baba, ata və oğul | 18. Müdrik qoca → |