Quba
Quba Azərbaycanın rayonlarından biridir. “Quba” sözü Qudyalçayın adından götürülmüşdür. XVIII əsrin ortalarında Hüseynəli xan Qubanı mərkəzə çevirmiş və öz iqamətgahını da buraya köçürmüşdü. Fətəli xanın dövründə Quba xanlığı daha da inkişaf etmişdir.
Qubada müxtəlif millətlərin nümayəndələri yaşayır. XIII əsrdə Azərbaycana gələn ərəb coğrafiyaşünası Yaqut Həməvi burada zəngin meyvə bağları olduğunu yazırdı.
Azərbaycanın yazıçısı Abbasqulu ağa Bakıxanovun ev-muzeyi də Qubada yerləşir. Azərbaycan tarixinə aid ilk elmi əsər hesab edilən “Gülüstani-İrəm” kitabını A.Bakıxanov məhz bu evdə yazmışdır.
XVIII əsrdə yaşamış məşhur fransız yazıçısı Aleksandr Düma Azərbaycanda olarkən Qubaya da gəlmişdir. Qubanın gözəl, qeyri-adi təbiəti onu valeh etmiş, buranın tarixi abidələri ilə tanış olmuşdur. Mənzərəli yerlərin birində istirahət edən qubalılar yazıçını tonqal ətrafına dəvət etmişlər. Köz üzərində bişirilən kababın özünəməxsus ləzzəti Dümada böyük təəssürat yaratmışdır.
Norveç alimi və səyyahı Tur Heyerdal öz əsərlərində Qubanın gözəlliklərini təsvir etmişdir.