Davranış qaydaları
Davranış qaydaları yalnız məktəblə bağlı deyil. Bu qaydalar olduğumuz hər yerdə necə davranmamızı müəyyən edir. Məsələn, küçədə əlindəki kağız parçasını, yaxud başqa əşyanı atmaq istəyən hər kəs yaxınlıqdakı zibil qutusuna yaxınlaşmalıdır. Zibil qutusu yoxdursa, atılacaq əşyanı cibində saxlayıb həyətdə, yaxud evdə zibil qabına atmalıdır. Küçədə yeriyərkən başqalarına toxunmaq olmaz. Təsadüfən toxunsan, üzr istəmək lazımdır.
Hər ailənin də öz qaydaları olur, ailə üzvləri bu qaydalara əməl edirlər. Məsələn, bir çox ailələrdə qəlyanaltı, nahar şam yeməklərinin müəyyən vaxtı olur. Həmin saatda ailə üzvləri hamılıqla süfrə ətrafına yığışır. Uşaqların müəyyən saatlarda yatması adət halını alır. Ailə üzvləri icazəsiz bir-birinin şəxsi əşyasına toxunmurlar.
Valideynlər, valideynlərlə övladlar, bacı-qardaşlar arasındakı münasibətlər insanın həyatında böyük rol oynayır. Münasibətləri mehribanlıq, qayğı üzərində qurulan ailədə mənəviyyatlı insanlar yetişir. Ailə qaydalarına əməl edən ailə üzvləri ictimai yerlərdə də qaydalara uyğun davranırlar.
Mətnə əsasən sualları cavablandırın.
← Hacı Zeynalabdin Tağıyev | Peşələr → |