Ceyms Kuk

XVIII əsrdə avropalılar Sakit okeanın cənub hissəsi haqqında heç nə bilmirdilər. Magellandan iki əsr sonra, 26 sentyabr 1768-ci ildə Ceyms Kuk Sakit okeanda səyahətə yollandı. Kuk astronomik müşahidələr aparmalı, eyni zamanda, cənub materikinin mövcud olmasını aydınlaşdırmalı idi. İngilislər güman edirdilər ki, cənub materikini kəşf etməklə faydalı qazıntıların yataqlarını tapmış olacaqlar.

Ekspedisiyaya Kral Hərbi-Dəniz Donanmasının kapitanı Ceyms Kuk özü başçılıq edirdi. O, səyahətə “İnvedor” adlanan iri, kömür daşıyan möhkəm gəmi ilə gedəcəkdi. Kuk gəmi heyətinin tərkibində təbiətçilərin, astronomların və tədqiqatçı alimlərin cəlb olunmasına nail oldu.

1768–1779-cu illərdə Kuk cənub dənizinə üç səyahət etdi. Səyahət zamanı alimlər yeni tapılan torpaqlar əsasında xəritə tərtib edir, yeni bitki növlərinin şəkillərini çəkirdilər. Onlar həmçinin Sakit okean adalarında məskunlaşan xalqlar haqqında qiymətli məlumatlar toplayırdılar. Ceyms Kuk özü dəfələrlə yerli sakinlərlə görüşmüş, onlarla söhbətlər aparmışdır. O, adalarda yaşayan yerli əhaliyə hörmətlə yanaşırdı.

Mətnə əsasən sualları cavablandırın.